Раўненне на лідара!

Зноў у лідарах саўгас «Рачкавічы» Беларускай чыгункі.

Тут ужо завяршылі ўборку збожжавых і зернебабовых культур. Хлеб у гаспадарцы сабралі з 2,6 тыс. га, намалацілі 14,2 тыс. тон пры ўраджайнасці 55,7 ц/га (летась – 54,8 ц/га).
Фінішуюць і «Улішыцы-Агра», дзе па інфармацыі на 9 жніўня было апрацавана каля 90% палеткаў. Пераадолелі экватар уборачнай кампаніі хлебаробы «Радзежскага», «Выдрэі» і «Авангарда». Агульнымі намаганнямі гаспадаркі сталёвай магістралі намалацілі 24,6 тыс. тон зерня з сярэдняй ураджайнасцю 39,7 ц/га (год таму – 38,1 ц/га). Прададзена дзяржаве больш як 4,9 тыс. тон (92% ад плана).

Інга МІНДАЛЁВА