Віншуем, ганарымся

За шматгадовую плённую працу, узорнае выкананне службовых абавязкаў, значны асабісты ўклад у развіццё чыгуначнага транспарту пяцёра работнікаў Беларускай чыгункі адзначаны дзяржаўнымі ўзнагародамі. Адпаведны ўказ падпісаў Прэзідэнт Беларусі Аляксандр Лукашэнка.

Слесар па рамонце рухомага саставу лакаматыўнага дэпо Баранавічы Аляксандр Палуянчык адзначаны ордэнам Пашаны, манцёр пуці РУП «Рэмпуць Беларускай чыгункі» Генадзь Антончык, дзяжурны лакаматыўнага дэпо Крычаў Магілёўскага аддзялення Аляксандр Бабарыкін, начальнік пасажырскай службы Аляксандр Захарэвіч і рамонтнік штучных збудаванняў Баранавіцкай дыстанцыі пуці Сяргей Здановіч – медалём «За працоўныя заслугі». Больш падрабязна пра ўзнагароджаных мы раскажам у наступных нумарах газеты.