Збіраем каравай

У сельгаспрадпрыемствах Беларускай чыгункі набірае абароты ўборачная кампанія.

Па інфармацыі на 22 ліпеня, збожжавыя і зернебабовыя культуры сабралі з чацвёртай часткі адведзеных пад іх плошчаў (а дакладна з 2 тыс. га). У лідарах – «Рачкавічы», дзе ўжо апрацавана каля 40% палеткаў. Агульны намалот перавысіў 9,6 тыс. тон зерня. Сярэдняя ўраджайнасць – 46,1 ц/га, што вышэй за мінулагодні паказчык (40,2 ц/га). Найлепшых вынікаў дасягнулі «Рачкавічы» (63,7 ц/га).
Завяршаецца ўборка рапсу: ужо апрацавана каля 82% палеткаў. Намалочана больш за 4,4 тыс. тон. Сярэдняя ўраджайнасць – 33,3 ц/га, у «Рачкавічах» – 44,3 ц/га.